ፃውዒት ምዝገባ ንሓደሽቲ ተምሃሮ

ፍሉይ 2ይ ብርኪ ቤት ትምህርቲ ቃላሚኖ ካብ 1990 ዓ/ም ጀሚሩ ኣብ ናይ 8ይ ክፍሊ ብሄራዊ ፈተና ፀብለልታ ካብ ዘርኣዩ ተምሃሮ ብውድድር መልሚሉ ምሉእ ናይ ካልኣይ ብርኪ ትምህርቶም ወፃኢ ብምሽፋን እናምሃረ ከም ዝርከብ ይፍለጥ። ፍሉይ 2ይ ብርኪ ቤት ትምህርቲ ቃላሚኖ ብምኽንያት ኣፅንቶታዊ ኵናት ትግራይ ከቢድ ጉድኣት ዝበፅሖ £ እንተኾነ ብሓያል ርብርብ ናብ ስራሕ ተመሊሱ ትምህርቶም ኣëሪፆም ዝነበሩ ነባር ተምሃሮኡን ኣብ ወርሒ ጥቅምቲ 2016 ዓ/ም ዝተመልመሉ ሓደሽቲ ተምሃሮን ተቐቢሉ ብዘለዎ ዓቕሚ ከይዲ ምህሮ ከቐፅል ክኢሉ እዩ። ቤት ትምህርትና ካብ ግዘ ናብ ግዘ ዓቕሙ ብምጥንኻር ብቐፃልነት ንዝልዓለ ዓወት ከም ዝተግህ እናገለፀ ታሕሳስ 2016 ዓ/ም ናይ 8ይ ክፍሊ ብሄራዊ ፈተና ወሲዶም ፀብለልታ ካብ ዘርኣዩ ተምሃሮ ኣወዳዲሩ ሐዚ ብዘለዎ ናይ ምቕባል ዓቕሚ መሰረት 60 ሓደሽቲ ተምሃሮ ንምቕባል ምድላዋቱ ከም ዝወገነ ድማ ከበስር ይፈቱ።
ብዙይ መሰረት ብስሩዕ ፕሮግራም ተማሂርኩም ታሕሳስ 2016 ዓ/ም ብቢሮ ትምህርቲ ትግራይ ኣብ ዝተውሃበ ናይ 8ይ ክፍሊ ብሄራዊ ፈተና 85ን ልዕሊኡን ማእኸላይ ውፅኢት ዘመዝገብኩም ተምሃሮ ካብ 21 – 23 ጥሪ 2016 ዓ/ም ኣብ ዘዝተፈተንክምሉ ወረዳ ኣብ ዝርከቡ ኣብያተ ፅሕፈት ትምህርቲ ወረዳ ንኽትምዝገቡ እናፀዋዕና፣ ፈተና ዝውሃበሉ ዕለት 25 ጥሪ 2016 ዓ/ም ምዃኑ ክንሕብር ንፈቱ።
ኣገዳሲ ሓበሬታ
 እዋን ምዝገባ፥ ካብ 21 – 23 ጥሪ 2016 ዓ/ም
 መመዝገቢ ቦታ፥ በቢወረዳኡ ኣብ ዝርከቡ ኣብያተ ፅሕፈት ትምህርቲ ወረዳ
 ፈተና ዝውሃበሉ ዕለት፥ 25 ጥሪ 2016 ዓ/ም ቅድሚ ቀትርን ድሕሪ ቀትርን
 ንፈተና ዝቐርቡ ዓይነታት ትምህርቲ፥ ናይ 7ይን 8ይን ክፍሊ እንግሊዝኛ (15%)፣ ፊዚክስ (15%)፣ ከሚስትሪ (15%)፣ ስነ-ሂወት (15%)፣ ሒሳብ (20%)ን ሓፈሻዊ ፍልጠት (20%)ን
 መፈተኒ ቦታታት፥
o ዞባ ደቡብ፥ ሓፈሻዊ 2ይ ብርኪ ቤት ትምህርቲ ጥላሁን ግዛው /ማይጨው/
o ዞባታት መቐለን ደቡብ ምብራቕን፤ ሓፈሻዊ 2ይ ብርኪ ቤት ትምህርቲ ሃፀይ የውሃንስ /መቐለ/፣
o ዞባ ምብራቕ፤ 1ይ ብርኪ ቤት ትምህርቲ ኣግኣዚ /ዓዲግራት/
o ዞባ ማእኸል፤ 1ይ ብርኪ ቤት ትምህርቲ ኣብርሃ ወ ኣፅበሃ /ኣክሱም/
o ዞባ ሰሜን ምዕራብ፤ ሓፈሻዊ 2ይ ብርኪ ቤት ትምህርቲ ፀሃየ /ሽረ እንዳስላሰ/
o ዞባ ምዕራብን ካልኦት ተመዛበልትን፥ ኣብ በቢዝተፈተንሉ ዞባ ዝርከብ ማእኸል መፈተኒ
 ስም ዝርዝር ዝሓለፉ ተምሃሮ ዕላዊ ዝግበረሉ ዕለት፥ 30 ጥሪ 2016 ዓ/ም
 ጥርዓን ተፈተንቲ መቐበሊ ዕለት፥ ካብ 1 – 4 ለካቲት 2016 ዓ/ም (ውፅኢት ዕላዊ ካብ ዝተገበረሉ ዕለት ጀሚሩ ኣብ ውሽጢ ሰለስተ ናይ ስራሕ መዓልትታት) ጥራሕ
 ንተወሳኺ ሓበሬታ፥ ብስልኪ ቁፅሪ 0925474514/0943676834/0914116302 ኣብ ስራሕ ሰዓት ጥራሕ ምድዋል፣ ወይ ብኢመይል kallamino1997@gmail.com ምሕታት ይክኣል።